1 GBP = 103.61
breaking news

സൗദി സ്വകാര്യ മേഖല ; ശരാശരി 1100 വിദേശ തൊഴിലാളികള്‍ക്ക് പ്രതിമാസം ജോലി നഷ്ടമാകുന്നു

സൗദി സ്വകാര്യ മേഖല ; ശരാശരി 1100 വിദേശ തൊഴിലാളികള്‍ക്ക് പ്രതിമാസം ജോലി നഷ്ടമാകുന്നു

റിയാദ് : സൗദിയില്‍ സ്വകാര്യ മേഖലയിലെ ശരാശരി 1100 വിദേശ തൊഴിലാളികള്‍ക്ക് പ്രതിമാസം ജോലി നഷ്ടപ്പെടുന്നുണ്ടെന്ന് ജനറല്‍ ഓര്‍ഗനൈസേഷന്‍ ഫോര്‍ സോഷ്യല്‍ ഇന്‍ഷുറന്‍സ് വ്യക്തമാക്കി.

കഴിഞ്ഞ ഒന്‍പത് മാസത്തെ കണക്കുകള്‍ പ്രകാരം മൂന്നു ലക്ഷം വിദേശികള്‍ക്ക് തൊഴില്‍ നഷ്ടപ്പെട്ടതായും അധികൃതര്‍ അറിയിച്ചു.

ഈ വര്‍ഷം ജൂലൈ മുതല്‍ സെപ്തംബര്‍ വരെയുളള മൂന്ന് മാസങ്ങളിലാണ് ഏറ്റവും കൂടുതല്‍ വിദേശികള്‍ക്ക് തൊഴില്‍ നഷ്ടപ്പെട്ടിരിക്കുന്നത്.

ജനറല്‍ ഓര്‍ഗനൈസേഷന്‍ ഫോര്‍ സോഷ്യല്‍ ഇന്‍ഷുറന്‍സിന്റെ കണക്കു പ്രകാരം 1,27,740 വിദേശികള്‍ക്കാണ് ജോലി നഷ്ടപ്പെട്ടത്.

ജനുവരി മുതല്‍ സെപ്തംബര്‍ വരെയുളള ഒന്‍പത് മാസത്തിനിടെ 3,06,600 വിദേശികള്‍ക്ക് ജോലി നഷ്ടപ്പെട്ടു. ഈ കണക്കു പ്രകാരം വിദേശ തൊഴിലാളികളുടെ എണ്ണം 81.9 ലക്ഷമായി കുറഞ്ഞിട്ടുണ്ട്.

സൗദിയില്‍ 16.8 ലക്ഷം സ്വദേശികളാണ് സ്വകാര്യ മേഖലയില്‍ ജോലി ചെയ്യുന്നതെന്നും ഓര്‍ഗനൈസേഷന്‍ ഫോര്‍ സോഷ്യല്‍ ഇന്‍ഷുറന്‍സ് അറിയിച്ചു.

Latest News:

Post Your Comments Here ( Click here for malayalam )

Press Esc to close
show more