സൗദി കിരീടാവകാശിയും പ്രതിരോധമന്ത്രിയുമായ മുഹമ്മദ് ബിൻ സൽമാന് ലണ്ടനിൽ രാജകീയ സ്വീകരണം
Mar 08, 2018
ലണ്ടൻ: സൗദി കിരീടാവകാശിയും പ്രതിരോധമന്ത്രിയുമായ അമീർ മുഹമ്മദ് ബിൻ സൽമാൻ മൂന്നുദിവസത്തെ സന്ദർശനത്തിനായി ബ്രിട്ടനിലെത്തി. ഇൗജിപ്ത് സന്ദർശനം പൂർത്തിയാക്കി ലണ്ടനിലിറങ്ങിയ അദ്ദേഹത്തിന് ഉൗഷ്മളമായ സ്വീകരണമാണ് ലഭിച്ചത്. രാഷ്ട്രീയ, പ്രതിരോധ, വ്യാപാര രംഗങ്ങളിൽ നിരവധി ധാരണകൾക്ക് അടിത്തറപാകുന്ന നിർണായക സന്ദർശനമാകും ഇതെന്ന് രാജ്യാന്തര മാധ്യമങ്ങൾ ചൂണ്ടിക്കാട്ടുന്നു. മൊത്തം 100 ശതകോടി ഡോളറിെൻറ കരാറുകളാകും ഇൗ ദിവസങ്ങളിൽ ഒപ്പുവെക്കപ്പെടുക.
ബുധനാഴ്ച രാവിലെ ബക്കിങ്ഹാം കൊട്ടാരത്തിലെത്തിയ അമീർ മുഹമ്മദ് എലിസബത്ത് രാജ്ഞിയുമായി കൂടിക്കാഴ്ച നടത്തി. രാജകുടുംബത്തിലെ മറ്റുഅംഗങ്ങളെയും അദ്ദേഹം കണ്ടു. അമീർ മുഹമ്മദിനായി കൊട്ടാരത്തിൽ പ്രത്യേക വിരുന്നും ഒരുക്കിയിരുന്നു. ഇരുരാജ്യങ്ങളും തമ്മിലുള്ളത് ചരിത്രപ്രധാന സൗഹൃദമാണെന്നും അതിന് നൂറ്റാണ്ട് പഴക്കമുണ്ടെന്നും അമീർ മുഹമ്മദ് ചൂണ്ടിക്കാട്ടി. ആധുനിക സൗദി രാഷ്ട്ര ത്തിെൻറ സ്ഥാപനകാലം മുതൽതന്നെ അടുത്ത ബന്ധമാണ് ഇരുരാജ്യങ്ങളും കാത്തുസൂക്ഷിക്കുന്നത്. ഉഭയതാൽപര്യമുള്ള നിരവധി വിഷയങ്ങൾ രണ്ടുരാജ്യങ്ങൾക്കുമുണ്ട്. എക്കാലത്തേയും മികച്ച നിലയിലാണ് ഇപ്പോഴത്തെ ബന്ധമെന്നും അദ്ദേഹം കൂട്ടിച്ചേർത്തു.
സാേങ്കതിക വിദ്യ, വിദ്യാഭ്യാസം, സുരക്ഷ തുടങ്ങിയ മേഖലകളിൽ സുപ്രധാന കരാറുകളാണ് വരും ദിവസങ്ങളിൽ ഒപ്പുവെക്കാനിരിക്കുന്നത്. വിവിധ രംഗങ്ങളിൽ ദീർഘകാല ഉഭയബന്ധം ഇരുരാജ്യങ്ങളും തമ്മിലുണ്ട്. അമേരിക്കക്ക് പിന്നിൽ സൗദിയുടെ ഏറ്റവും വലിയ വ്യാപാര പങ്കാളിയാണ് ബ്രിട്ടൻ. പശ്ചിമേഷ്യയിലെ ബ്രിട്ടെൻറ ഏറ്റവും വലിയ പങ്കാളി സൗദിയുമാണ്. 17.5 ശതകോടി ഡോളർ മൂല്യമുള്ള 300 ലേറെ സംയുക്ത സംരംഭങ്ങളാണ് ഇരുരാജ്യങ്ങൾക്കുമിടയിൽ നിലവിലുള്ളത്. കഴിഞ്ഞ അഞ്ചുവർഷത്തിനിടെ ഉഭയവ്യാപാരം 3.19 ശതകോടി ഡോളർ ഉയർന്നിട്ടുണ്ട്.
2016 ൽ സാധന, സേവന വ്യാപാരം 12.47 ശതകോടി ഡോളറായിരുന്നു. പുനരുപയുക്ത ഉൗർജ പദ്ധതികൾക്കും സേവനങ്ങൾക്കുമായി 2023 ഒാടെ സൗദി അറേബ്യ, ബ്രിട്ടനുമായി 415 ദശലക്ഷം ഡോളറിെൻറ ഇടപാടുകൾ നടത്തുമെന്നാണ് പ്രവചനം.
ബ്രിട്ടീഷ് വിനോദകമ്പനിയായ വ്യൂ ഇൻറർനാഷനൽ സൗദിയിൽ 30 തിയറ്ററുകൾ തുടങ്ങാൻ ധാരണയിലെത്തിയിട്ടുമുണ്ട്.
അമീർ മുഹമ്മദിെൻറ സന്ദർശനത്തിന് മുന്നോടിയായി ലണ്ടൻ നഗരത്തിലെങ്ങും അദ്ദേഹത്തിന് സ്വാഗതമോതി ബോർഡുകളും പോസ്റ്ററുകളും ഉയർന്നിരുന്നു.
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ആർസിഎൻ നോർത്ത് വെസ്റ്റ് റീജിയണൽ ഡയറക്ടറും /
അന്താരാഷ്ട്ര നേഴ്സസ് ദിനാചരണത്തോട് അനുബന്ധിച്ച യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിൽ മുഖ്യ പ്രഭാഷകരിൽ ഒരാളായി എൻഎംസിയുടെചീഫ് എക്സിക്യൂട്ടീവും രജിസ്ട്രാറുമായ ആൻഡ്രിയ സട്ട്ക്ലിഫ് CBE /
യുക്മ നേഴ്സസ് ഫോറം സംഘടിപ്പിക്കുന്ന വാർഷിക സമ്മേളനത്തിനും, ലോക നേഴ്സസ് ഡേ ആഘോഷപരിപാടികൾക്കും മുഖ്യാതിഥിയായി നോട്ടിങ്ഹാം യൂണിവേഴ്സിറ്റി ഹോസ്പിറ്റലിലെ ചീഫ് നേഴ്സ് ട്രേസി പിൽച്ചേർ /
click on malayalam character to switch languages