1 GBP =
breaking news

ഗ്രേറ്റ് ബ്രിട്ടൻ സീറോമലബാർ രൂപതയിൽ പഞ്ചവത്സര അജപാലന പദ്ധതിക്ക് തുടക്കമായി; ആദ്യവർഷം കുട്ടികൾക്ക് സമർപ്പിതം….

ഗ്രേറ്റ് ബ്രിട്ടൻ സീറോമലബാർ രൂപതയിൽ പഞ്ചവത്സര അജപാലന പദ്ധതിക്ക് തുടക്കമായി; ആദ്യവർഷം കുട്ടികൾക്ക് സമർപ്പിതം….

ഫാ. ബിജു ജോസഫ്
ലണ്ടൻ: രൂപതാംഗങ്ങളുടെ വിശ്വാസോജ്ജ്വലനം ലക്ഷ്യമാക്കി രൂപം നൽകിയ പഞ്ചവത്സര അജപാലന പദ്ധതിയും കുട്ടികളുടെ വർഷവും രൂപതാധ്യക്ഷൻ മാർ ജോസഫ് സ്രാമ്പിക്കൽ ലണ്ടൻ ഹൗൺസ്ലോയിൽ ഉദ്‌ഘാടനം ചെയ്തു. കുട്ടികളുടെ വിശ്വാസ-ധാർമ്മിക പരിശീലനം ലക്ഷ്യം വയ്ക്കുന്ന ആദ്യ വർഷത്തിന്റെ ഉദ്ഘാടനം ഡിസംബർ 3ന് മംഗളവർത്ത കാലം ഒന്നാം ഞായറാഴ്ച കുട്ടികൾ കരങ്ങളിൽ സംവഹിച്ച തിരി തെളിച്ചു കൊണ്ടാണ് നിർവ്വഹിക്കപ്പെട്ടത്.

രൂപതാസംവിധാനവും രൂപതാംഗങ്ങൾ എല്ലാവരും തങ്ങളുടെ സാധ്യതകളും സിദ്ധികളും സഭയുടെയും സമൂഹത്തിന്റെയും കുടുംബത്തിന്റെയും പ്രതീക്ഷകളായ കുഞ്ഞുങ്ങളുടെ സമഗ്രവളർച്ചയ്ക്ക് സമർപ്പിക്കാൻ സജ്ജരാകണമെന്ന് പിതാവ് ആഹ്വാനം ചെയ്തു. ഗ്രേറ്റ് ബ്രിട്ടൺ സീറോ മലബാർ രൂപതയിലെ എല്ലാ കുട്ടികളെയും വിശ്വാസ പരിശീലനത്തിനായി ഒന്നിച്ചു ചേർക്കുവാൻ വൈദികരും സമർപ്പിതരും കൈക്കാരന്മാരും കമ്മറ്റിക്കാരും മതാദ്ധ്യാപകരും സംഘടനാഭാരവാഹികളും മാതാപിതാക്കളും തീവ്രമായി പരിശ്രമിക്കണമെന്നും മാർ ജോസഫ് സ്രാമ്പിക്കൽ പറഞ്ഞു.


ലണ്ടൻ റീജിയന്റെ കോർഡിനേറ്റർ ഫാ. സെബാസ്റ്റ്യൻ ചാമക്കാല, ഫാ. ഫാൻസുവ പത്തിൽ, ബെൻ ടോം, വിൻസ് ആന്റണി തുടങ്ങിയവർ ഉദ്ഘാടന സമ്മേളനത്തിൽ സന്നിഹിതരായിരുന്നു.

ഗ്രേറ്റ് ബ്രിട്ടൻ സീറോ മലബാർ രൂപതയിയിൽ ഇന്നലെ വി. കുർബാന അർപ്പിക്കപ്പെട്ട എല്ലാ സമൂഹങ്ങളിലും കുട്ടികളുടെ വർഷം ഔദ്യോഗികമായി ഉത്‌ഘാടനം ചെയ്യപ്പെട്ടു. തുടർന്ന് വരുന്ന വർഷങ്ങളിൽ യുവജനങ്ങൾ, ദമ്പതികൾ, കുടുംബങ്ങൾ, കുടുംബകൂട്ടായ്മകൾ, പ്രേഷിത സജ്ജമായ ഇടവകകൾ എന്നിവയ്ക്ക് ഊന്നൽ നൽകുന്ന അജപാലന പ്രവർത്തനങ്ങളാണ് ക്രമീകരിക്കുന്നത്. നവംബര് 20 മുതൽ 22 വരെ മിഡ്‌വെയിൽസിലെ കെഫെൻലി പാർക്കിൽ വച്ച് നടന്ന രൂപതാ പ്രതിനിധി സമ്മേളനത്തിൽ ഉരുത്തിരിഞ്ഞ തീരുമാനങ്ങളുടെ അടിസ്ഥാനത്തിലാണ് പഞ്ചവത്സര അജപാലന പദ്ധതി രൂപപ്പെടുത്തിയിരിക്കുന്നത്.

Post Your Comments Here ( Click here for malayalam )

Press Esc to close

other news

show more