ആദ്യ വിവാഹം എന്തുകൊണ്ട് പരാജയമായി; മനസ്സ് തുറന്ന് ജനപ്രിയ നായകന് ദിലീപ്
Apr 11, 2017
അഭിനയശൈലി കൊണ്ടും തന്മയത്വം കൊണ്ടും മലയാളി മനസ്സുകളില് ചേക്കേറിയ ജനപ്രിയ നായകന് ദിലീപ് മഞ്ജുവാര്യരുമായുള്ള വിവാഹ മോചനവും കാവ്യമായുള്ള വിവാഹത്തെക്കുറിച്ചും മനസ്സ് തുറക്കുന്നു. മലയാളത്തിലെ പ്രമുഖ ചാനലിനാണ് ദിലിപ് അഭിമുഖം നല്കിയത്
ഏകദേശം അഞ്ചുവര്ഷത്തിന് മുമ്പു വരെ വളരെ സന്തോഷകരമായ ജീവിതമായിരുന്നു എന്റേത്. 2013 ജൂണ് അഞ്ചാം തിയതി കോടതിയില് സമര്പ്പിച്ച വിവാഹമോചന ഹര്ജി, അതെന്റെ കുടുംബചരിത്രമായിരുന്നു. അത് ഹര്ജി മാത്രമല്ല അതില് പ്രതികളുണ്ട് സാക്ഷികളുണ്ട്, നൂറുശതമാനം വിശ്വസിക്കുന്ന തെളിവുകളുണ്ട്. പ്രമുഖര് ഒരുപാട് പേരുണ്ട്. സമൂഹത്തില് നല്ല പേരുള്ള ഇക്കൂട്ടരുടെ യഥാര്ത്ഥ മുഖം പുറത്തുവരാതിരിക്കാനാണ് വിവാഹമോചനത്തിന് രഹസ്യവിചാരണ വേണമെന്ന് ഞാന് ആവശ്യപ്പെട്ടത്.
മകളുടെ ഭാവി ഓര്ത്ത് മാത്രമാണ് ഈ വിഷയത്തില് ഞാന് മൗനം പാലിക്കുന്നത്. ആദ്യ ഭാര്യ നല്ലൊരു ജീവിതം നയിച്ച് അവരുടെ ജോലിയും കാര്യങ്ങളുമായി പോകുന്നുണ്ട്. ഞാന് ആ വഴിക്കേ പോകുന്നില്ല. മറ്റുള്ള ആളുകള് അവരെ തെറ്റിദ്ധരിപ്പിക്കുന്നുണ്ടെന്ന് പലവഴിക്ക് ഞാന് അറിഞ്ഞു. എന്റെ മകളുടെ പഠിപ്പ് , ഭാവി ഇതിനെക്കുറിച്ചൊക്കെയാണ് എന്റെ ഉത്കണ്ഠ. ദിലീപ് പറയുന്നു.
കാവ്യ അല്ല എന്റെ ആദ്യവിവാഹം തകരാന് കാരണമെന്ന് ദൈവത്തെ മുന്നിര്ത്തി പറയാം. കാവ്യയാണ് ഇതിന് കാരണമെന്ന് ജനങ്ങളുടെ മുന്നില് ധരിപ്പിച്ച് വച്ചിരിക്കുകയാണ് ചിലര്. ഞാനും എന്റെ ആദ്യഭാര്യയും തമ്മിലുള്ള ബന്ധം വെറുമൊരു ഭാര്യാഭര്തൃബന്ധം മാത്രമല്ലായിരുന്നു ശക്തമായ കൂട്ടുകെട്ട് ഉണ്ടായിരുന്നു ഞങ്ങള്ക്കിടയില്. അതുപോലെയുള്ളൊരു സുഹൃദ്ബന്ധത്തിനിടയിലാണ് സങ്കടകരമായ സംഭവങ്ങളുണ്ടായത്. അതിലേക്ക് കാവ്യയെയും വലിച്ചിഴയ്ക്കുകയായിരുന്നു. ദിലീപ് പറഞ്ഞു.
ഞാനൊരു പെണ്കുട്ടിയുടെ അച്ഛനാണ്. പന്ത്രണ്ട് മുതല് പതിനാറ് വയസ്സുവരെ ഒരു പെണ്കുട്ടിക്ക് ആരുടെ പിന്തുണ വേണമെന്ന് ഇവിടെയുള്ള സ്ത്രീകള്ക്കറിയാം. എന്റെ സഹോദരിയാണ് അവളുടെ സമയം മാറ്റിവച്ച് വീട്ടില് വന്നുനിന്നത്. ബന്ധുക്കളും സുഹൃത്തുക്കളുമാണ് മറ്റൊരു വിവാഹത്തെക്കുറിച്ച് പറയുന്നത്. ഇത് ഞാന് ആദ്യം ചര്ച്ച ചെയ്തത് എന്റെ മകളോടാണ്. കാവ്യയെ വിവാഹം കഴിക്കുമെന്ന് സ്വപ്നത്തില് പോലും വിചാരിച്ചിട്ടില്ല.
കാവ്യയുടെ വീട്ടില് ഈ വിവാഹത്തിന് താല്പര്യമില്ലായിരുന്നു. ഇപ്പോള് ദിലീപിനെ വിവാഹം കഴിച്ചാല് ഉണ്ടായ ഗോസിപ്പുകളെല്ലാം സത്യമാണെന്ന് പറയും എന്നൊക്കെയാണ് കാവ്യയുടെ അമ്മ പറഞ്ഞത്. പിന്നീട് ഞാന് സത്യാവസ്ഥകളും മറ്റും പറഞ്ഞ് മനസ്സിലാക്കി അവരെക്കൊണ്ട് സമ്മതിപ്പിക്കുകയായിരുന്നു. ദിലീപ് കൂട്ടിച്ചേര്ത്തു.
റെഡ്ഡിംഗിൽ മരണമടഞ്ഞ എൽബി സെബിന്റെ മൂന്ന് മക്കളടങ്ങുന്ന കുടുംബത്തെ സഹായിക്കാൻ അഭ്യർത്ഥനയുമായി യുക്മ ചാരിറ്റി ഫൗണ്ടേഷനും ന്യൂബറി മലയാളി കൾച്ചറൽ അസ്സോസ്സിയേഷനും /
click on malayalam character to switch languages