breaking news

‘സ്വന്തം കാരവനുള്ളപ്പോള്‍ ആള്‍ക്കൂട്ടത്തിനിടയില്‍ വെച്ച് ഗൂഢാലോചന നടത്തിയെന്ന് പറഞ്ഞാല്‍ എങ്ങനെ വിശ്വസിക്കും‘ ദിലീപിന്റെ വാദം ഇന്നും തുടരും

‘സ്വന്തം കാരവനുള്ളപ്പോള്‍ ആള്‍ക്കൂട്ടത്തിനിടയില്‍ വെച്ച് ഗൂഢാലോചന നടത്തിയെന്ന് പറഞ്ഞാല്‍ എങ്ങനെ വിശ്വസിക്കും‘  ദിലീപിന്റെ വാദം ഇന്നും തുടരും

നടിയെ ആക്രമിച്ച കേസില്‍ റിമാന്‍ഡില്‍ കഴിയുന്ന നടന്‍ ദിലീപ് ഹൈക്കോടതിയില്‍ നല്‍കിയ ജാമ്യഹര്‍ജിയിലെ വാദം ഇന്നും തുടരും. ഇന്നലെ നാലു മണിക്കൂറുകളോളം വാദം നീണ്ടിരുന്നു. തന്റെ പേരിലെ കേസില്‍ സത്യമില്ലെന്നും ഇത് പള്‍സര്‍ സുനിയും പൊലീസും കെട്ടിച്ചമച്ചതാണെന്നുമാണ് ദിലീപ് പറയുന്നത്. അതേസമയം, കേസില്‍ ദിലീപിനെതിരെ കൂടുതല്‍ തെളിവുകള്‍ പ്രോസിക്യൂഷന്‍ ഇന്ന് ഹാജരാക്കുമെന്നാണ് സൂചനകള്‍.

പള്‍സര്‍ സുനിയും ഒരേ ടവര്‍ ലൊക്കേഷനില്‍ ഒരുമിച്ചു വന്നു എന്ന് കരുതി അത് ഗൂഢാലോചനയുടെ ഭാഗമാണെന്ന് പറയുന്നത് ശരിയല്ല. ഷൂട്ടിങ്ങിനിടെ സുനിയും ദിലീപും ഗൂഢാലോചനയെ സംബന്ധിച്ച കാര്യങ്ങള്‍ സംസാരിച്ചുവെന്നാണ് പൊലീസ് പറയുന്നത്. എന്നാല്‍, സ്വന്തം കാരവന്‍ ഉള്ളപ്പോള്‍ എല്ലാവരും കാണുന്ന രീതിയില്‍ ആള്‍ക്കൂട്ടത്തിനു നടുവില്‍ നിന്ന് ഗൂഢാലോചന നടത്തിയെന്നു പറയുന്നതു യുക്തിക്കു നിരക്കുന്നതല്ലെന്നും അഭിഭാഷകന്‍ രാമന്‍പിള്ള വാദിച്ചു.

ജയിലില്‍ നിന്ന് പള്‍സര്‍ സുനി എഴുതിയെന്നു പറയുന്ന കത്ത് മുന്‍കൂട്ടി തയാറാക്കിയ തിരക്കഥയാണെന്നും ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ കണ്ടെടുക്കാനാണെന്നു പറഞ്ഞ് ദിലീപിനെ ഇനിയും കസ്റ്റഡിയില്‍ വയ്ക്കുന്നതു ന്യായമല്ലെന്നും രാമന്‍പിള്ള വാദിച്ചു..

Post Your Comments Here ( Click here for malayalam )

Press Esc to close

other news

show more