- കുതിച്ചുകയറി ഇന്ത്യന് ജിഡിപി; ഫ്രാന്സിനെ പിന്തള്ളി ഇന്ത്യ ആറാമത്തെ സാമ്പത്തിക ശക്തിയായി
- കനിമൊഴി കരുണാനിധിയുടെ അവിഹിത സന്തതി? - തമിഴ്നാട്ടിൽ വിവാദം കത്തുന്നു
- ജസ്റ്റിസ് ലോയയുടേത് സ്വാഭാവിക മരണം; അന്വേഷണമില്ല, ഹർജികൾ തള്ളി സുപ്രീംകോടതി
- ജസ്റ്റിസ് ലോയയുടെ മരണം: സ്വതന്ത്രമായ അന്വേഷണം ആവശ്യപ്പെട്ട് നല്കിയ ഹര്ജിയില് സുപ്രിം കോടതി വിധി ഇന്ന്
- ഭീകരത കയറ്റിയയക്കാനുള്ള ശ്രമം അനുവദിക്കില്ല: പ്രധാനമന്ത്രി നരേന്ദ്ര മോദി
- മോദിക്കെതിരെ ലണ്ടനിൽ വൻ പ്രതിഷേധം; പാർലമെന്റിന് മുന്നിൽ തടിച്ച് കൂടിയത് ആയിരക്കണക്കിന് ആളുകൾ
- പ്ലാസ്റ്റിക് ട്രോ, കോട്ടൺ ബഡ്ഡ്, ഡ്രിങ്ക് സ്റ്റിറർ തുടങ്ങിവ നിരോധിക്കുമെന്ന് സർക്കാർ
യുക്മ ഈസ്റ്റ് ആംഗ്ലിയ റീജിയണൽ പ്രസിഡന്റ് രഞ്ജിത്ത് കുമാറിന്റെ നിര്യാണത്തിൽ അനുശോചനം രേഖപ്പെടുത്തിക്കൊണ്ട് യുക്മയുടെയും കേംബ്രിഡ്ജ് മലയാളി അസോസിയേഷന്റെയും സംയുക്താഭിമുഖ്യത്തിൽ അനുസ്മരണ-അനുശോചന സമ്മേളനം ഇന്ന് കേബ്രിഡ്ജിൽ
യുക്മയുടെ എക്കാലത്തെയും ജനകീയ നേതാക്കളിലൊരാളായ ഈസ്റ്റ് ആംഗ്ലിയ റീജിയൺ പ്രസിഡന്റ് ശ്രീ രഞ്ജിത്ത് കുമാറിന്റെ നിര്യാണത്തിൽ അനുസ്മരണ അനുശോചന സമ്മേളനം ഇന്ന് കേംബ്രിഡ്ജിൽ സംഘടിപ്പിക്കപ്പെടുന്നു. യുക്മ നാഷണൽ കമ്മിറ്റിയുടെയും കേംബ്രിഡ്ജ് മലയാളി അസ്സോസിയേഷന്റെയും സംയുക്താഭിമുഖ്യത്തിൽ കേംബ്രിഡ്ജിലെ ന്യൂ മാർക്കറ്റ് റോഡിലുള്ള ക്രൈസ്റ്റ് റെഡീമർ ചർച്ച് ഹാളിൽ വച്ചാണ് പരിപാടി സംഘടിപ്പിച്ചിട്ടുള്ളത്. ബ്രിട്ടനിലെ സാമൂഹിക സാംസ്കാരിക മേഖലകളിൽ നിറസാന്നിദ്ധ്യമായിരുന്ന രഞ്ജിത്ത് കുമാറിന്റെ അനുസ്മരണ സമ്മേളനത്തിൽ യുകെയിലെ മുഴുവൻ മലയാളികളും പങ്കെടുക്കണമെന്ന് യുക്മ പ്രസിഡന്റ് മാമ്മൻ ഫിലിപ്പ് അഭ്യർത്‌ഥിച്ചു.
മാമ്മൻ ഫിലിപ്പിന്റെ പത്രക്കുറിപ്പിന്റെ പൂർണ്ണരൂപം
പ്രിയ സുഹൃത്തുക്കളെ,
ആദരണീയമായ വ്യക്തിത്വത്തിന്റെ ഉടമയായിരുന്നു പ്രിയപ്പെട്ട രഞ്ജിത്ത് ചേട്ടൻ. അദ്ദേഹത്തിൻറെ 55 വർഷത്തെ ജീവിതത്തിനിടയിൽ, സഹജീവി സ്നേഹത്തിന്റെയും, സാമൂഹിക-സാംസ്കാരിക പ്രവർത്തനങ്ങളുടെയും ഉത്തമ ഉദാഹരണമായി നമ്മുടെ കൂടെ പ്രവർത്തിച്ചതോടൊപ്പം, പ്രതിസന്ധികളിൽ തളരാത്ത, മരണത്തെ പോലും ഭയക്കാത്ത മനഃസ്ഥൈര്യം പ്രകടിപ്പിച്ച് നമുക്കെല്ലാം പ്രചോദനമാകുകയുമായിരുന്നു. കേംബ്രിഡ്ജ് മലയാളി അസോസിയേഷന്റെ അംഗവും, സാരഥിയുമൊക്കെയായി പ്രവർത്തിച്ചു വന്ന ശ്രീ രഞ്ജിത്ത് കുമാർ യുക്മ ഈസ്റ്റ് ആംഗ്ലിയ റീജിയന്റെ രൂപീകരണം മുതലേ തന്നെ യുക്മയിൽ പ്രവർത്തിച്ച് യുക്മ നാഷണൽ എക്സിക്യൂട്ടീവ് കമ്മിറ്റിയിൽ അംഗമായി പ്രവർത്തിക്കുകയും, ഇപ്പോൾ രണ്ട് തവണയായി യുക്മ ഈസ്റ്റ് ആംഗ്ലിയ റീജിയന്റെ പ്രസിഡന്റായി പ്രവർത്തിച്ചു വരികയായിരുന്നു. മരണത്തെ പോലും തോൽപ്പിക്കുന്ന ഇച്ഛാശക്തിയുടെ ആൾരൂപമായിരുന്ന രഞ്ജിത്ത് ചേട്ടന്റെ നിര്യാണത്തിൽ യുക്മയുടെയും യു കെ മലയാളികളുടെയും വ്യസനവും അനുശോചനവും അറിയിക്കുന്നു.
ഇന്ന് 17 / 03 / 2018 ശനിയാഴ്ച കേംബ്രിഡ്ജിൽ വച്ച് കേംബ്രിഡ്ജ് മലയാളി അസോസിയേഷന്റെയും, യുക്മ ഈസ്റ്റ് ആംഗ്ലിയ റീജിയണൽ കമ്മിറ്റിയുടെയും സംയുക്താഭിമുഖ്യത്തിൽ ശ്രീ രഞ്ജിത്ത് കുമാറിന്റെ ഒരു അനുസ്മരണ – അനുശോചന സമ്മേളനം നടത്തുകയാണ്. അദ്ദേഹത്തോടൊപ്പം സാമൂഹിക സാംസ്കാരിക സംഘടനാ തലങ്ങളിൽ പ്രവർത്തിച്ചവരും, ഔദ്യോഗിക തലങ്ങളിൽ പ്രവർത്തിച്ചവരും സുഹൃത്തുക്കളും എല്ലാം പങ്കെടുക്കുന്ന ഈ സമ്മേളനത്തിലേക്ക് എല്ലാവരെയും സ്വാഗതം ചെയ്യുന്നു. കേംബ്രിഡ്ജിലെ ന്യൂ മാർക്കെറ്റ് റോഡിലുള്ള ക്രൈസ്റ്റ് റെഡീമർ ചർച്ച് ഹാളിൽ ഉച്ചക്ക് രണ്ടരയോടെയാണ് സമ്മേളനം ആരംഭിക്കുന്നത്. സമ്മേളനത്തിൽ പങ്കെടുക്കുന്നതിനും ആദരാഞ്ജലികൾ അർപ്പിക്കുന്നതിനും താൽപ്പര്യമുള്ളവർ ഇതൊരു അറിയിപ്പായി കരുതണം എന്ന് അപേക്ഷിക്കുന്നു. സമ്മേളനം നടക്കുന്ന സ്ഥലത്തിന്റെ വിലാസം
Christ Redeemer Church,
New Market Road, Cambridge
CB5 8RS
കൂടുതൽ വിവരങ്ങൾക്കും ആവശ്യമായ സഹായത്തിനും
(കേംബ്രിഡ്ജ് മലയാളി അസോസിയേഷൻ പ്രസിഡന്റ് Saji Varughese 07727163432 )
(കേംബ്രിഡ്ജ് മലയാളി അസോസിയേഷൻ സെക്രട്ടറി Shinu Nair 07846400712)
click on malayalam character to switch languages