1 GBP =
breaking news

കൊളംബിയക്ക്​ മൂന്ന്​ ഗോൾ ജയം; പോളണ്ട്​ പുറത്ത്​

കൊളംബിയക്ക്​ മൂന്ന്​ ഗോൾ ജയം; പോളണ്ട്​ പുറത്ത്​

പോളണ്ടിൽ പോയി ഇനി കൊളംബിയയെ കുറിച്ച്​ ഒരക്ഷരം മിണ്ടരുത്​. അത്രത്തോളം പരാജയഭാരമാണ്​ അവർക്ക്​ ലാറ്റിനമേരിക്കൻ കരുത്തർ നൽകിയത്​. ആദ്യ പകുതിയിൽ 1-0 എന്ന നിലയിൽ പൊരുതാനാകുന്ന ഫലത്തിൽ പിരിഞ്ഞിട്ടും 70, 75 മിനിറ്റുകളിൽ രണ്ട്​ ഗോളുകൾ അടിച്ച്​ യൂറോപ്യൻ ടീമിനെ അവർ നാണം കെടുത്തുകയായിരുന്നു. കൊളംബിയക്ക്​ വേണ്ടി യാരി മിന(40), റഡാമൽ ഫാൽക്കാവോ (70) യുവാൻ ക്വാഡ്രാഡോ (75) എന്നിവരാണ്​ വലകുലുക്കിയത്​.

ലോകകപ്പ്​ ഗ്രൂപ്പ്​ എച്ചിലെ രണ്ട്​ മത്സരങ്ങളിൽ പരാജയപ്പെട്ട്​ പോളണ്ട് പ്രീക്വാർട്ടർ കാണാതെ​ പുറത്തേക്ക്​. എതിരില്ലാത്ത മൂന്ന്​​ ഗോളുകൾക്ക്​ വിജയിച്ച കൊളംബിയ പ്രതീക്ഷകൾ നിലനിർത്തി.  നിലനിൽപ്പിനായി പോരാടിയ പോളണ്ടിനെ മൂന്ന്​ തവണ പ്രഹരിച്ച കൊളംബിയൻ മുന്നേറ്റം കളി പൂർണ്ണമായും അവരുടെ നിയന്ത്രണത്തിൽ നിർത്തിയിരുന്നു​.

യെരി മിനയുടെ സൂപ്പർ ഹെഡർ ഗോളിലൂടെ ആദ്യ പകുതിയിൽ ലീഡ്​ നേടിയ ​കൊളംബിയ, റഡാമൽ ഫാൽക്കാവോയിലൂടെ 70ാം മിനിറ്റിൽ ലീഡുയർത്തി. ക്വി​േൻററോയിൽ നിന്ന്​ ലഭിച്ച പന്തുമായി പോളണ്ട് ബോക്സിലേക്ക് ഓടിക്കയറിയാണ്​ ഫാൽക്കാവോയുടെ കൂറ്റൻ ഷോട്ട്​. അവിടെ നിർത്താതെ യുവാൻ ക്വാഡ്രഡോയിലൂടെ 75ാം മിനിറ്റിൽ കൊളംബിയ ഗോൾ നേട്ടം മൂന്നാക്കി. ഹാമിഷ് റോഡ്രിഗസിൽനിന്ന് ലഭിച്ച പന്തുമായി കുതിച്ച്​ ക്വാഡ്രഡോ പന്ത്​ സുരക്ഷിതമായി പോളിഷ്​ വലയിൽ നിക്ഷേപിക്കുകയായിരുന്നു.

40–ാം മിനിറ്റിൽ ഫാൽക്കാവോ നൽകിയ പന്ത്​ ക്വാഡ്രാഡോ ഹാമിഷ് റോഡ്രിഗസിന്​ നൽകി. റോഡ്രിഗസി​​​​​​​​​​​​െൻറ എണ്ണം പറഞ്ഞ ക്രോസിൽ മിന ഉയർന്ന്​ പൊങ്ങി തലവെച്ചതോടെ കൊളമ്പിയ ആദ്യ പകുതിയിൽ മുന്നിട്ട്​ നിന്നു. കളിയുടെ ആധിപത്യം മുഴുവൻ ഏറ്റെടുത്ത ലാറ്റിനമേരിക്കൻ കരുത്തർ പോളണ്ടിന്​ ആക്രമിക്കാൻ തുച്ചമായ അവസരങ്ങൾ മാത്രമാണ്​ ആദ്യ പകുതിയിൽ ഒരുക്കിയത്​. ആദ്യ കളിയിൽ ജപാനെതിരെ 2-1ന്​ അടിയറവ്​ പറഞ്ഞ കൊളമ്പിയയും സെനഗലിനെതിരെ തോറ്റ പോളണ്ടും ഇന്ന്​ നിലനിൽപ്പിനായി ജീവൻമരണ പോരാട്ടത്തിലായിരുന്നു​. ​

​ഗ്രൂപ്പ്​ എച്ചിൽ ഇനി ജപ്പാൻ-പോളണ്ട്​, കൊളംബിയ-സെനഗൽ മത്സരമാണ്​ ബാക്കിയുള്ളത്​. അടുത്ത കളിയിൽ സെനഗലിനെ തോൽപ്പിച്ചാൽ കൊളംബിയക്ക്​ സുഗമമായി പ്രീക്വാർട്ടർ കാണാം.

Post Your Comments Here ( Click here for malayalam )

Press Esc to close

other news

show more