1 GBP =
breaking news

ബാലിയിൽ അഗ്​നിപർവതം സജീവം: ജാഗത്രാ നിർദേശം; വിമാനത്താവളം അടച്ചു

ബാലിയിൽ അഗ്​നിപർവതം സജീവം: ജാഗത്രാ നിർദേശം; വിമാനത്താവളം അടച്ചു

ഡെംപസർ: ഇന്തോനേഷ്യൻ ദ്വീപായ ബാലിയിലെ മൗണ്ട്​ അഗൗങ്​ അഗ്​നിപർവതം സ്​ഫോടനത്തി​​െൻറ വക്കിൽ. അഗ്​നി പർവതം സജീവമായി പുകയുന്നതിനാൽ ഏതുസമയവും സ്​ഫോടനം പ്രതീക്ഷിക്കുകയാണ്​ അധികൃതർ. രാജ്യത്താകെ അതീവ ജാഗ്രതാ നിർദേശം നൽകി. സുരക്ഷാഭീഷണി മൂലം ബാലി വിമാനത്താവളം അടച്ചു. ഇതോടെ ആയിരക്കണക്കിന്​ വിനോദസഞ്ചാരികൾ ഇന്തോനേഷ്യയിൽ കുടുങ്ങിയിരിക്കുകയാണ്​.

അഗ്​നി പർവതത്തിൽ നിന്ന്​ 3400 മീറ്റർ ഉയരത്തിൽ കറുത്ത പുക വരുന്നുണ്ട്​. പർവതത്തിൽ നിന്നുയരുന്ന പുകയും ചാരവും വിമാനത്താവളം വരെ എത്തിയതോടെയാണ്​ സർവീസുകൾ റദ്ദാക്കി വിമാനത്താവളം അടച്ചിടാൻ നിർദേശം നൽകിയത്​. നൂറോളം വിമാനങ്ങൾ റദ്ദാക്കുകയും ഏഴു വിമാനങ്ങൾ വഴിതിരിച്ചു വിടുകയും ചെയ്​തു. അഗ്​നിപർവതത്തി​​െൻറ 10 കിലോമീറ്റർ ചുറ്റളവിൽ താമസിക്കുന്നവരോട്​ ഉടനടി മാറിത്താമസിക്കാനും അധികൃതർ ആവശ്യ​െപ്പട്ടിട്ടുണ്ട്​.

വിനോദ സഞ്ചാര മേഖലകൾ അഗ്​നിപർവതത്തിൽ നിന്ന്​ വളരെ ദൂരെയാണെങ്കിലും പുകയും ചാരവും മൂലം വിമാനത്താവളം അടച്ചതാണ്​ സഞ്ചാരികളെ വലച്ചത്​. ചൊവ്വാഴ്​ച രാവിലെ വരെ വിമാനത്താവളം തുറക്കില്ല. സ്​ഥിതിഗതികൾ വിലയിരുത്തിയ ശേഷം ചൊവ്വാഴ്​ച സർവ്വീസ്​ പുനരാരംഭിക്കുമെന്നും അധികൃതർ അറിയിച്ചു.

Post Your Comments Here ( Click here for malayalam )

Press Esc to close

other news

show more