1 GBP =
breaking news

ഓൺലൈനിൽ പരിചയപ്പെട്ട 14 കാരിയുമായി ലൈംഗിക ബന്ധത്തിന് ശ്രമിച്ച ലണ്ടനിലെ മലയാളി ബാങ്ക് മാനേജർക്ക് പതിനഞ്ചു മാസം തടവ്

ഓൺലൈനിൽ പരിചയപ്പെട്ട 14 കാരിയുമായി ലൈംഗിക ബന്ധത്തിന് ശ്രമിച്ച ലണ്ടനിലെ മലയാളി ബാങ്ക് മാനേജർക്ക് പതിനഞ്ചു മാസം തടവ്

ലണ്ടനിലെ സിറ്റിബാങ്കിൽ മാനേജരായി ജോലി ചെയ്തിരുന്ന മലയാളി യുവാവിന് ബർമിംഗ്ഹാം ക്രൗൺ കോടതി പതിനഞ്ചു മാസത്തേക്ക് ശിക്ഷ വിധിച്ചു. ലണ്ടനിലെ സിറ്റിബാങ്കിൽ മാനേജരായ ബാലചന്ദ്രൻ ഒരു 14-കാരിയെ കാണാനായിരുന്നു ബിർമിംഗ്ഹാമിലെത്തിയത്. ഹോട്ടല്‍ മുറിയില്‍ കാത്തിരുന്ന ബാലചന്ദ്രന്റെ പ്രതീക്ഷകള്‍ തെറ്റിച്ച് കടന്നെത്തിയത് 14-കാരിയായിരുന്നില്ല, പകരം കുട്ടികളെ പീഡിപ്പിക്കുന്നവന്‍മാരെ പൊക്കാന്‍ ഓണ്‍ലൈനില്‍ രംഗത്തുള്ള ഇന്റര്‍നെറ്റ് ഇന്റര്‍സെപ്‌റ്റേഴ്‌സ് സംഘത്തെയായിരുന്നു.

14-കാരിയെന്ന് കരുതി 38-കാരനായ ബാലചന്ദ്രന്‍ ഓൺലൈനിൽ പീഡോഫൈല്‍ ഹണ്ടേഴ്‌സിനോടാണ് സംസാരിച്ചത്. വാട്‌സ്ആപ്പില്‍ വളച്ചെടുക്കാന്‍ അശ്ലീല സന്ദേശങ്ങളുടെ ഒരു ഒഴുക്ക് തന്നെയായിരുന്നു. ബാലചന്ദ്രനെ ഹോട്ടല്‍ മുറിയില്‍ നേരിടുന്ന സംഘത്തിന്റെ ദൃശ്യങ്ങള്‍ 130,000 വരുന്ന കാണികളിലേക്ക് ഫേസ്ബുക്ക് ലൈവില്‍ പ്രക്ഷേപണം ചെയ്തു. വിവാഹം കഴിഞ്ഞ് ഒരു കുട്ടിയുടെ പിതാവ് കൂടിയാണ് ഇദ്ദേഹം. ആദ്യം താന്‍ കുട്ടിയുമൊത്ത് ഭക്ഷണം കഴിക്കാന്‍ മാത്രമാണ് എത്തിയതെന്നായിരുന്നു ബാലചന്ദ്രന്റെ അവകാശവാദം. എന്നാല്‍ വാട്‌സ്ആപ്പില്‍ ഇയാളുടെ സന്ദേശങ്ങള്‍ സംഘം വായിച്ചതോടെ കീഴടങ്ങാതെ മറ്റ് മാര്‍ഗ്ഗങ്ങള്‍ ഉണ്ടായിരുന്നില്ല.

സംസാരിച്ചിരുന്ന പെണ്‍കുട്ടി ലൈംഗികത ആവശ്യപ്പെട്ടെങ്കിലും തനിക്ക് അത്തരമൊരു ഉദ്ദേശം ഉണ്ടായിരുന്നില്ലെന്ന് ബാലചന്ദ്രന്‍ ആദ്യം അവകാശപ്പെട്ടു. എന്നാല്‍ പ്രവര്‍ത്തകരുടെ ചോദ്യം ചെയ്യലിനൊടുവില്‍ താന്‍ ലൈംഗികതയ്ക്കാണ് എത്തിയതെന്ന് ഈസ്റ്റ് ലണ്ടനിലെ കാനറി വാര്‍ഫില്‍ ജോലി ചെയ്ത ഇയാള്‍ സമ്മതിക്കുന്നു. ഇയാളുടെ പക്കല്‍ ഗര്‍ഭനിരോധന ഉറകളും, പെര്‍ഫ്യൂമും ഉണ്ടായിരുന്നു. ബര്‍മിംഗ്ഹാം ക്രൗണ്‍ കോടതി ഇയാള്‍ക്ക് 15 മാസത്തെ ജയില്‍ശിക്ഷയാണ് നല്‍കിയത്. 10 വര്‍ഷത്തേക്ക് സെക്‌സ് ഒഫെന്‍ഡര്‍ രജിസ്റ്ററിലും പേര് നല്‍കി. പിടിക്കപ്പെട്ടതോടെ ജോലി നഷ്ടപ്പെടുമെന്നും ഇന്ത്യയിലേക്ക് തിരികെ പോകേണ്ടി വരുമെന്നും പറഞ്ഞ് ഇയാള്‍ കരഞ്ഞ് കാലുപിടിക്കുന്നുണ്ട്.
സംഭവത്തെക്കുറിച്ച് പ്രതികരിച്ച സിറ്റിബാങ്ക് വക്താവ് ബാലചന്ദ്രന്‍ ഇനി തങ്ങളുടെ ജീവനക്കാരന്‍ ആയിരിക്കില്ലെന്ന് വ്യക്തമാക്കി.

Post Your Comments Here ( Click here for malayalam )

Press Esc to close

other news

show more